MySenwes





MySenwes - Hulp
Indien jy enige probleme of navrae het, kontak asseblief die MySenwes Hulplyn:
 

 

MySenwes – Agri Markinligting


Markopsomming

Mielies

Plaaslike


• Plaaslike pryse het Woensdag sterker oopgemaak en die vorige sessies se dalende neigin van daar af voortgesit. Pryse kry ek rondom die middel van die sessie goeie ondersteuning, nadat die R2900/ton vlak op Julie WM getoets is en hou.
• Die markvolume was hoog- dit beteken dat hierdie ommeswaai moontlik vandag verdere momentum kan hê.
• Tegnies begin daar formasies op die Julie WM grafiek ontstaan, wat 'n tegniese positiewe beweging kan laat realiseer. Die langtermyn gemiddelde bewegings hou heeltyd as tegniese ondersteuningsvlakke.
• Die weer bly bepalend vir die laat oes se ontwikkeling en prysvorming vir die res van die seisoen.
• Langertermyn weervoorspellings bly tans uiters wisselvallig, met slegs Oostelike reën wat vir die eerste week voorspel word. Die temperature in sommige van die Oostelike gebiede word nou reeds onder 10ºC voorspel. Accuweather se voorspellings dui vanoggend op kanse vir reën na die eerste week van April.
• Prysondersteuning sal egter beperk bly totdat nuwe fundamentele nuus rolspelers se sentiment dienooreenkomstig beïnvloed.

Internasionaal


• VSA mieliepryse het sedert Woensdag sterker verhandel. Hierdie sygign kan toegeskryf word aan 'n vertraging in die tempo van aanplantings wat nou reeds die mark aan daardie kant bekommerd het.
• Die nat toestande kan, volgens NOAA, tot Mei-maand aanhou.
• Hierdie toestande word vererger deur die sneeu wat smelt en verdere vloede in dele veroorsaak. Veral Nebraska word swaar getref.
• Die algemene verwagting is tans dat die VSA oes eers later geplant gaan word, wat tot swakker opbrengste kan lei.
• Verder is fondse in die VSA naby aan rekord hoeveelhede kort-posisies, wat kan lei tot 'n lopie om hierdie posisies toe te kry.
• Die USDA rapporteer uitvoerverkope op 917k ton - ietwat kleiner as verwagtings. Werklike uitvoere van mielies was 765k ton - laer as die tempo wat nodig is om die die USDA se projeksie van uitvoere vir die seisoen te haal.
• Die Russiese konsultasie maatskappy SovEcon raam die land se mielie uitvoere vir Maart op ‘n laer vlak as die afgelope 7 maande, maar die heersende kumulatiewe tempo is steeds vinniger as die bemarkingsjaar gemiddeld oor tyd.

Oliesade

Plaaslike


• Oliesaadpryse verhandel positief. Slegs 47 kontrakte verhandel op die Julie 2019 sonneblomkontrak. Volumes op sojabone was hoër en 1390 kontrakte het op die Mei 2019 sojaboonkontrak verhandel. Alle kontrakte sluit tussen R15/ton- en R49/ton positief.
• Die Rand versterk beduidend en verhandel tans op R14.20/$.
• Mei Sojabone beweeg oor die mediumtermyn sywaarts. Pryse sluit Woensdag op R4914/ton, terwyl pryse op 2 Januarie 2019 op R4912/ton gesluit het. ‘n R2/ton verskil oor ongeveer drie maande. Mei Sonneblom sluit 18 Desember 2018 op R5472/ton, Woensdag se sluiting is R5550/ton. ‘n R78/ton verskil.
• Volgens sommige weerkaarte kan daar reën voorkom oor die binneland die naweek. Dit verskille tussen weerdienste en kaart is egter merkwaardig.
• Die pariteitsbeweging is vandag R2/ton positief.

Internasionaal


• Amerikaanse Sojaboonpryse verhandel hoër. Mei en Julie kontrakte styg met tussen 4.5- en 4.75 sent per skepel.
• Sojaboon uitvoerverkope bereik 12.3 miljoen skepels geëindig vir die week 20 Maart 2019. Dit is aansienlik laer as die 70.4 miljoen skepels van die week tevore. Verwagtinge was vir 43.2 miljoen skepels.
• Die beste Februarie perssyfers ooit word in 2019 aangeteken, 154.498 miljoen skepel word gepers (4.2 miljoen ton Sojabone). Die syfer is egter steeds heelwat swakker as die 171.630 miljoen skepels wat in Januarie 2019 aangeteken is.
• Die Europese Unie Sojaboon invoere staan tans, soos op 17 Maart 2019, op 374.8 miljoen skepels. Dit is 11% hoër jaar-op-jaar.

Koring

Plaaslike


• Koringpryse verhandel positief. Die Maart 2019 kontrak styg R33/ton en sluit teen R4631. Die Julie 2019 styg R21/ton en sluit teen R4711.
• Seisoenale tendense en die wisselkoers sal die rigting van plaaslike koringpryse bepaal.
• Die Rand verhandel 32 sent sterker teen R14.20. Woensdag 12 uur het die Rand teen R14.52 verhandel.
• Tegnies raak koringpryse hoog. Die Julie 2019 kontrak het nou vir die derde keer hoër as R4700 verhandel. 'n Totaal van 445 kontrakte het op die Julie 2019 kontrak verhandel. Volumes neem af.
• Die 2018 oes word teen 1.862 miljoen ton geraam. Dit is 17.79% groter as die 2017 seisoen.
• Die nuutste invoertarief is teen R490.70 gepubliseer. Die nuwe tarief van R670 is geaktiveer, maar moet nog in die staatskoerant afgekondig word.
• Daar is die afgelope week 28 676t koring vanaf Lituanië ingevoer.
• Invoere sedert 01 Okt 2018 beloop 403 268t. Uitvoere staan op 37 603t.

Internasionaal


• VSA koringmarkte styg matig vanweë die sluit van kortposisies. Kontrakte op Mei maand styg met tussen 1.75- en 2.25 sent per skepel.
• Die grootste faktor wat VSA koringpryse tans lei is die beskikbaarheid van Swart See koring vir uitvoere en VSA koring se kompeterendheid daarmee.
• Minder as 5% van VSA koring ondervind tans droogtetoestande.
• EU uitvoere vir die 2018/19 seisoen beloop tans 477.7 miljoen skepels. Dit toon 'n afname van 11% jaar-op-jaar.
• VSA uitvoere het op 16.1 miljoen skepels uitgekom. Verwagtinge was rondom 17.9 miljoen skepels.
• Russiese uitvoere vir Maart 2019 het op 66.1 miljoen skepels uitgekom. Dit is 50% minder as die vorige agt maande se gemiddeld.
• Etiopië het 'n tender uitgereik vir die invoer van 14.7 miljoen skepels koring.
• Jordanië het geen aankope gemaak vir vir 4.4 miljoen skepel tender nie.

Finansieel

Internasionaal


• Die rand het sedert Woensdag heelwat teenoor vernaamste geldeenhede versterk.
• Die rand het sedert Woensdag vanaf R14.50 tot bykans R14.20 versterk.
• Die Amerikaanse dollar verhandel swakker teenoor die euro en het net onder $1.14 gesluit.
• Die dollar indeks verhandel op 96.318.
• Volgens die nuusagentskap, Reuters, word die versterking van meeste ontluikende markte se wisselkoerse toegeskryf aan onsekerheid rondom die onderhandelinge tussen China en Amerika.
• Tesame hiermee, het die Federale Reserweraad rentekoerse onveranderd gelaat op 2.5%. Dit wil ook voorkom asof geen verdere rentekoersverhogings binnekort sal plaasvind nie.
• Suid-Afrika se inflasiekoers vir Februarie was Woensdag hersien. Die inflasiekoers was onveranderd gelaat op 4.4%.
• Brent ru-olie verhandel tans net bo $67 per vat.
• Die JSE se indeks vir alle aandele het heelwat laer verhandel en op 56,145 gesluit.

Markverslae

Type:

Linkmap

Registreer nou om Senwes Grainlink se Agri Markverslag daagliks via epos en/of SMS te ontvang. Enige vrae en of kommentaar kan gestuur word aan market@senwes.co.za