MySenwes





MySenwes - Hulp
Indien jy enige probleme of navrae het, kontak asseblief die MySenwes Hulplyn:
 

 

MySenwes – Agri Markinligting

Please note that the Safex prices are not the Market to Market related prices.

Markopsomming

Mielies

Plaaslike


• Jul22 witmielies verhandel R72 afwaarts om te sluit teen R4 710/t, met Des22 witmielies wat R74 laer verhandel teen R4 864/t. Jul22 geelmielies verhandel R82 swakker teen R4 844/t, met Des22 geelmielies wat R85 laer sluit teen R4 973/t.
• Die derde produksieskatting toon dat 2.623miljoen hektaar mielies aangeplant sal word die seisoen vir 'n totale produksie van 14.724miljoen ton. Van die totaal is 7.553miljoen ton witmielies en 7.170miljoen ton geelmielies.

Internasionaal


• CBOT Jul22 Corn pryse het afwaarts beweeg en verhandel vanoggend 3.5 sent laer teen $7.9750/skepel; Sep22 Corn is 2.50 sent laer op $7.6725/skepel.
• Vordering met mielie-aanplantings in die VSA staan tans op 49%, wat aansienlik hoër is as ‘n week tevore, maar steeds ver agter 2021 se tempo van 78% sowel as die vorige 5-jaar gemiddelde tempo van 67% is. Plant opkoms het 14% bereik vergeleke met 5% ‘n week gelede.
• Die nuutste data van die Europese Komissie toon aan dat die Europese Unie se mielie-invoere vir die 2021/22 bemarkingsjaar sowat 559.8 miljoen skepels bereik het tot verlede week, wat ‘n jaar-op-jaar toename van sowat 6.4% tot dusver is.

Oliesade

Plaaslike


• May22 sonneblom verhandel R73 afwaarts om te sluit teen R10 524/t, met Jul22 sonneblom wat R77 laer sluit teen R10 663/t. May22 sojabone verhandel R189 swakker om te sluit teen R9 033/t, met Jul22 sojabone wat R200 laer verhandel teen R9 144/t.
• Die derde produksieskatting toon sonneblom hektare van 670 700 wat na verwagting 963 000ton tot gevolg sal hê. Sojaboon hektare word geskat op 925 300 vir 'n totale produksie van 1.886miljoen ton.

Internasionaal


• CBOT Jul22 Sojaboonpryse verhandel vanoggend 22.75 sent opwaarts teen $16.7425/skepel, terwyl Sep22 pryse 10.75 sent sterker is op $15.55/skepel.
• Sojaboonpryse in die VSA het tydens hulle verhandelingsessie gister sowat 1% hoër verhandel weens relatief beperkte plaaslike en internasionale voorrade, sowel as stadige aanplantingstempo’s in sommige areas.
• Vordering met sojaboon-aanplantings in die VSA het heelwat vinniger gevorder as ‘n week geleke en staan tans op 30%. Die tempo is egter steeds noemenswaarsdig laer as 2021 se 58% en die vorige 5-jaar gemiddelde tempo van 39%. Plant opkoms het 9% bereik vergeleke met 3% ‘n week gelede.
• Kumulatiewe Europese Unie (EU) sojaboon-invoere vir die 2021/22 bemarkingsjaar is sowat 456.4 miljoen skepels tot verlede week, wat ‘n jaar-op-jaar afname van 5.8% tot dusver is. Die EU se soja-meel invoertempo volg ook ‘n laer tendens as verlede jaar.

Koring

Plaaslike


• May22 koringpryse verhandel R109/ton afwaarts op R8 300/t, terwyl Jul22 R99 laer sluit teen R8 190/t.
• Die nuutste koringlewerings vir die week geëindig 6 May 2022 het 2 097 ton beloop. Kumulatief is die die 2021/2022 bemarkingsjaar lewerings reeds 97.58% afgehandel, met 'n totaal van 2.202ton rapporteer tot op hede.
• Koringuitvoere vir die week geëindig 6 May 2022 het 7 451 ton beloop, wat die kumulatiewe totaal tot 129 455 ton bring. Koringinvoere van 47 048 ton is rapporteer, met die kummulatiewe totaal op 969 984 ton.
• Die nuutste invoertarief is gepubliseer as tariefvry.

Internasionaal


• Internasionale koringpryse verhandel vanoggend hoër. Jul22 CBOT SRW kontrakte is 28.50 sent hoër op $12.47/skepel; die Jul 22 Kansas City HRW kontrakte is 21 sent hoër op $13.34/skepel; en Jul22 MGEX kontrakte is 1 sent sterker op $13.6125/skepel.
• Koringpryse se opwaartse prysomgewing word tans ondersteun deur internasionale uitvoeruitdagings sowel as kwaliteitsprobleme met die winter koring-oes in die VSA.
• Lente koring-aanplantings in die VSA het verbeter na 39% vergeleke met 27% ‘n week gelede. Verlede jaar se vorderingstempo was aansienlik vinniger op 83%, met die vorige 5-jaar gemiddeld op 67%.
• Winter koring se kwaliteitsgradering het verder versleg, toe die Amerikaanse departement van landbou die winter koring-oes se kwaliteit met 2% afwaarts aangepas het, wat beteken dat slegs 27% van die oes steeds in goeie tot uitstekende toestand is. Verder is 32% van die oes in ‘n billike toestand, maar die oorblywende 41% is swak of baie swak.
• Sagte koring-uitvoere van die Europese Unie (EU) staan vir die 2021/22 bemarkingsjaar op 843.3 miljoen skepels, ‘n jaar-op-jaar afname van 3.9% tot dusver. Die EU se gars-uitvoertempo is ook effens laer as verlede jaar en staan tans op 307.7 miljoen skepels.

Finansieel

Internasionaal


• Vanoggend staan die Rand op R15.95 teen die Dollar, wat sterker (0.7%) is as gister om 12h00 toe dit teen R16.06 teen die Dollar verhandel het.
• Die Rand het gister onder die R16/dollar vlak gebreek, te danke aan ‘n bestendige stroom goeie nuus uit die wêreld se grootste moonthede. Die Rand se omkeer gister het begin toe China die eerste stappe geneem het om Covid-19 inperkings in Sjanghai te verslap; en in die VSA het noemenswaardige kleinhandel-winste die aanduiding gegee dat die verbruiker steeds sterk is.
• Teen die agtergrond van hoë inflasie, veel hoër rentekoerse en waarskynlike resessies oor groot dele van die wêreld, is dit onwaarskynlik dat die Rand die versterkings van gister sal volhou.
• Op plaaslike front, duur kragonderbrekings deur die sukkeldende Eskom voort.
• Die nuutste Suid-Afrikaanse inflasie syfers vir April 2022 word vandag bekend gemaak, en daar word verwag dat dit hoër sal wees as die 5.9% van Maart 2022.
• Die mark se aandag bly steeds gefokus op die Suid-Afrikaanse Reserwebank (SARB) se monetêre beleidsbesluit oor rentkoerse wat Donderdag (19 Mei 2022) aangekondig sal word. Die SARB gaan na verwagting sy eerste 50 basispunt (0.5%) rentekoers verhoging in meer as 6 jaar gaan aankondig, wat ‘n mate van ondersteuning aan die Rand sal bied.
• Die dollar indeks verhandel op 103.42 punte.
• Brent ru-olie se prys verhandel vanoggend op $112.35/vat.
• Die JSE se indeks vir alle aandele verhandel op 69’696 punte.

Markverslae

Type:

Linkmap

Registreer nou om Senwes Grainlink se Agri Markverslag daagliks via epos en/of SMS te ontvang. Enige vrae en of kommentaar kan gestuur word aan market@senwes.co.za