MySenwes





MySenwes - Hulp
Indien jy enige probleme of navrae het, kontak asseblief die MySenwes Hulplyn:
 

 

MySenwes – Agri Markinligting

Please note that the Safex prices are not the Market to Market related prices.

Markopsomming

Mielies

Plaaslike


• Die plaaslike mark het gister positief verhandel in lyn met pariteite.
• April21 witmielies het die vorige sessie R36 hoër verhandel om te sluit teen R3,139/t, terwyl Julie21 R33 sterker gesluit het teen R3,153/t.
• April21 geelmielies het die dag R32 hoër gesluit teen R3,270/t, terwyl Julie21 R32 opwaarts gesluit het teen R3,276/t.
• Vroeë mielielewerings tesame met die vooruitsigte van 'n groter oes plaas pryse onderdruk, met verdere druk wat langer termyn verwag kan word.
• Vanoggend se pariteite is sywaarts.

Internasionaal


• Corn pryse het sedert die vorige sessie afwaarts verhandel, alhoewel die mark ondersteuning gevind het deur tegniese aankope.
• Mei21 corn verhandel tans teen $5.96 / skepel, terwyl Julie21 verhandel teen $5.84 / skepel.
• Die mark het druk ervaar na die nuutste uitvoerinspeksie gedaal het vir die week geëindig 15 April tot 60,0 miljoen skepel, met China steeds as die top bestemming vir Amerikaanse mielies. Die kumulatiewe totale vir die huidige bemarkingsjaar beloop 1,545 biljoen skepel.
• Die nuutste data vir Europese invoere beloop tans 475,2 miljoen skepel vir die week geëindig 18 April, 28% laer as die vorige jaar vir dieselfde tydstip van die seisoen.
• Pryse vind steeds ondersteuning deur vertragings in die aanplantingstempo wat meer soja-aanplantings as gevolg kan hê.

Oliesade

Plaaslike


• Die plaaslike mark het gister opwaarts verhandel.
• April21 sonneblom het R151 opwaarts verhandel om te sluit teen R8,281/t, terwyl Mei R134 hoër gesluit het teen R8,318/t.
• April21 sojas het die dag R46 hoër gesluit teen R7,006/t, terwyl Mei21 R52 opwaarts verhandel het om te sluit teen R7,043/t.
• Die beskikbare persmarge bo die vaste en veranderlike kostes indien plaaslike sonneblom gepers word in vergelyking met die koste om eerder olie en koek in te voer is tans R2,310, terwyl die persmarge bo vaste en veranderlike kostes vir sojas R1,112 beloop.
• Die groot pers marge van sonneblom asook die feit dat minder sonneblom aangeplant is volgens die oesskatting bied goeie ondersteuning vir sonneblompryse tans.

Internasionaal


• Sojaboonpryse het gister hoër verhandel weens koue weersomstandighede wat aanplantings vir die week moontlik kan vertraag. Die Mei futures het met 15.75 sent gestyg tot $14.49, terwyl die Julie futures 12.5 sent hoër verhandel het tot $14.35.
• Uitvoerinspeksies het 45% week-op-week gedaal tot 6.8 miljoen skepels. Dit was aan die onderkant van die verwagte beraming wat gevarieer het tussen 3.7 miljoen skepels tot 14.7 miljoen skepels.
• Kumulatiewe totaal vir die 2020/21 bemarkingsjaar beloop tans 2.021 miljard skepels - steeds aansienlik vinniger as verlede jaar se tempo.
• Mexiko was die hoofbestemming met 2.7 miljoen skepels.
• Die USDA verwagting is dat aanplantings tans 3% beloop. Individuele verwagting varieer tussen 2% tot 4%.

Koring

Plaaslike


• Die Mei 2021 kontrak het op R4822 gesluit. Die Julie 2021 kontrak het teen R4870 gesluit.
• Die Rand verhandel vanoggend teen R14.19.
• Die nuutste invoertarief is gepubliseer as tariefvry. Die nuutste tarief word egter op R191.72 bereken, maar is nog nie gepubliseer nie.
• Vanaf 01 Feb 2021 tot 31 Okt 2021 sal 300 000t EU koring tariefvry ingevoer word.
• Verlede week was daar 1,040 ton koring uitgevoer en 48,283 ton koring ingevoer.
• Progressief vanaf 1 Oktober 2020 is 44,657 ton koring uitgevoer terwyl 785,409 ton koring ingevoer is.
•Die pariteit vir vanoggend is afwaarts.

Internasionaal


• Koringpryse het gister gemeng verhandel. Dit is gedryf deur hoër uitvoerinspeksies vir die week, die verswakkende doller en verwagte koue weersomstandighede. Die May Chicago SRW het laer verhandel en verhandel tans teen $6.5150, May Kansas City HRW het 2.25 sent gestyg tot $6.1150, terwyl die May MGEX gedaal het tot $6.6375.
•Uitvoerinspeksies het week-op-week met 33% toegeneem en beloop tans 22.5 miljoen skepels. Dit was hoër as die verwagte beraming wat gevarieer het tussen 9.2 miljoen skepels tot 20.2 miljoen skepels.
• Kumulatiewe totaal vir die 2020/21 bemarkingsjaar beloop tans 809.2 miljoen skepels - 'n klein voortou op verlede jaar.
• Die Filippyne was die hoofbestemming met 4.8 miljoen skepels.
• Die verwagting is dat die USDA 'n afwaartse aanpassing op die winterkwaliteit gaan aanbring met 52% gegradeer as goed-tot-uitstekend. Die verwagte aanplantings behoort moontlik van 11% tot 17% toe te neem.

Finansieel

Internasionaal


• Die rand begin die week op 'n goeie noot en verhandel sterker op die rug van 'n swakker dollar.
• Die dollar se verswakking kom na Amerikaanse staatseffekte se opbrengste verhandel na aan 'n 5-week laagtepunt, te midde van die Federale Reserwe wat volhou dat enige wesenl;ike styging in inflasie slegs tydelik van aard is.
• Die verwagting dat akkomoderende monetêre beleide wêreldwyd as status quo gehandhaaf sal word oor die langer termyn, tesame met verbeterde globale risiko aptyt, laat beleggers op meer riskante, ontluikende markte fokus weens hoër opbrengste,
• Die rand se versterking kan wel beperk wees weens plaaslike risikos tesame met globale risiko aptyt wat in 'n oogwink kan verander.
• Plaaslike ekonomiese vooruitsigte is steeds onseker, met 2021 herstel wat traag is na 'n 7% inkrimping in 2020.
• Die rand behoort wel oor die langer termyn sensitief te bly vir wêreld sentiment, met hoë volatiliteit wat verwag kan word.
• Die dollar indeks verhandel swakker op 90.91 punte.
• Brent ru-olie se prys verhandel vanoggend op $67.64/vat.
• Die JSE se indeks vir alle aandele verhandel gister swakker op 68'094 punte.

Markverslae

Type:

Linkmap

Registreer nou om Senwes Grainlink se Agri Markverslag daagliks via epos en/of SMS te ontvang. Enige vrae en of kommentaar kan gestuur word aan market@senwes.co.za