MySenwes





MySenwes - Hulp
Indien jy enige probleme of navrae het, kontak asseblief die MySenwes Hulplyn:
 

 

MySenwes – Agri Markinligting

Please note that the Safex prices are not the Market to Market related prices.

Markopsomming

Mielies

Plaaslike


• Volatiliteit gedryf deur aggressiewe wisselkoers bewegings bly tans aan die orde van die dag.
• Die rand het reeds gister voor marksluiting terug getrek en deurlopend versterk tydens die sessie.
• Mieliepryse het egter steeds positief en heelwat sterker as heersende pariteit gesluit.
• Die ou-seisoen dinamika is steeds ? klimaat waar aggressiewe prysveranderings ‘n realiteit bly.
• April’20 WM het gister R73/mt negaitief gesluit met ‘n hoogtepunt van R3500/mt en ‘n laagtepunt van R3300/mt wat bereik is.
• Kopers het die afgelope tyd weggeraak op April maar die algemene pariteit ondersteuning vir verder maande speel waarskynlik ook ‘n rol in naby maand prysvorming.
• Die vraag moet steeds gestel word of kopers tans bereid gaan bly om soveel meer vir April’20 WM te betaal as nuwe seisoen mielies waarskynlik stelselmatig beskikbaar gaan word vanaf begin Mei’20.
• Rolspelers se opinie oor April prysvorming bly gemeng.
• Sommige meen dat volatiliteit waarskynlik skerp gaan toeneem soos wat die laaste verhandelingsdag nader kom.
• Ander reken egter die prysverskil tussen April en Mei gaan verklein aangesien nuwe seisoen witmielies meer geredelik van begin Mei af beskikbaar sal word.
• Nuwe seisoen produksiesekerheid bly hoog wat beteken dat pryse nie tans enige fundamentele rede het om aggressief te styg op die Julie20 WM en YM kontrak nie.
• Pryse verhandel in lyn met uitvoerpariteit en is tans sowat R170-R250/mt duurder as VSA en Argentynse vergelykbare uitvoerpariteit vir Julie’20.
• Die VSA prys het sedert gister 12:00 sowat 0.5 sent positief verhandel terwyl die rand sowat 20 sent versterk het. Die aanvanklike potensiële pariteitsbeweging is R21/mt negatief.

Internasionaal


• VSA mieliepryse het gister weer onder druk verhandel, maar vertoon vanoggend in lyn met prysvlakke toe die plaaslike mark gister 12:00 gesluit het.
• Mielies verhandel oor die algemeen onder druk soos wat rolspelers steeds probeer sin maak van die realiteit van derde grootste voorneme om te plant sedert 1936, tesame met die afname in mielieverbruik vir etanolproduksie.
• Die VSA energie inligting administrasie het gister aangekondig dat etanolproduksie gedaal het tot ‘n 6-jaar laagtepunt.
• Analiste raam tans dat vraag na brandstof ‘n verdere 50% kan daal wat beteken dat etanol vervaardiging verder sal afneem.
• Die bio-brandstof en hernubare brandstof organisasies het reeds gevra vir hulp van die Trump administrasie in ‘n poging om vraag en aanbod te stabiliseer.
• Die impak van die druk op mieliepryse is egter reeds van so ‘n aard dat rolspelers reeds reken dat ‘n persentasie van die voorneme oppervlak kan oorskuif na sojabone.
• Die impak van hierdie twee faktore is tans so sterk dat nie eers die gunstige uitvoersyfers ‘n verskil gemaak het nie.
• Die weeklikse uitvoerinspeksies van 50.1 miljoen skepels was meer as die bokant van die markverwagting.
• Kumulatiewe uitvoere van 761.2 miljoen skepels bly minder as verlede seisoen en die tempo wat nodig is om die USDA raming te haal.

Oliesade

Plaaslike


• Sojaboonpryse maak steeds gebruik van die skerp daling in die Rand en pryse hou aan om te styg. Sojaboonkontrakte kon nie gister se pariteit uitpresteer nie. Die Mei- en Julie-kontrak styg tussen R94 en R103 en gaan sluit op R7119/ton en R7215/ton onderskeidelik. Altwee die kontrakte bereik nuwe kontrakhoogtepunte.
• Sonneblompryse volg ook gister die sterk positiewe tendens na, maar presteer ook onder pariteit. Die Mei- en Julie-kontrak voeg elkeen R146 by en gaan sluit op R6197/ton en R6282/ton onderskeidelik.
• Die Rand versterk intra-dag en hou aan om te versterk sedert gister middag 12 uur en verhandel tans teen R18.68/dollar
• Die pariteitsbeweging is vandag tussen R2/ton en R5/ton positief.

Internasionaal


• VSA Graanmarkte was gemeng, maar sluit Maandag se sessie meestal hoër af. Die prys van sojabone het effens versterk te midde van droë toestande in Brasilië en Argentinië wat die produksiepotensiaal daar sou kon laat afneem. 'n Swak rondte van uitvoerinspeksiedata van die USDA plaas egter druk op winsneming. Die Mei-kontrak het 1,25 sent gestyg tot op $8,5550/skepel, en die Julie-kontrak is 1,75 sent hoër om op $8,6125/skepel af te sluit.
• Sojaboon-uitvoerinspeksies presteer sleg verlede week, met net minder as 11,0 miljoen skepels - 28% laer as die week voor verlede week en val onder alle handelsberamings. Kumulatiewe totale vir die 2019/20 bemarkingsjaar het 'n eroderende maar skraal voorsprong bo die tempo van die vorige jaar nadat hulle 1.172 miljard skepels bereik het. Egipte was weer die nommer 1-bestemming met 4,0 miljoen skepels.
• Die invoer van sojabone deur die Europese Unie vir die 2019/20 bemarkingsjaar het op 5 April 401,6 miljoen skepels bereik, wat effens laer is as 'n jaar gelede
• Sirië het 'n internasionale tender uitgereik vir die aankoop van 50 000 ton sojaboonmeel wat op 12 Mei sluit.

Koring

Plaaslike


• Die pariteitsindeks gister vir koring was uiters positief, maar dieselfde ondersteuning word nie geniet Maandag as wat ons Donderdag en Vrydag gesien het nie. Inteendeel Sluit die Meimaandkontrak R62/ton beter, maar die Juliekontrak R2/ton laer.
• Die Rand is baie wisselvallig gister en begin heelwat versterk gedurende verhandeling. Vanoggend is die Rand 24c/$ sterker as gistermiddag 12uur. Die huidige vlak is R18.66/$.
• Die moontlikheid vir reen wat duidelik was op gister se voorspellings vir veral die 13de en 14de verdwyn heeltemal. Die volgende paar dae, tot en met die 15de April, lyk nou soos sonskyn dae.
• Die sterker Rand sorg vir druk op pariteite vanoggend. Die indeks is R97/ton negatief

Internasionaal


• Koringkontrakte verhandel wisselvallig wat ook op onsekerheid dui. Die Mei SRW sluit die dag egter positief met 6.5c/skepel tot $5.55/skepel.
• Weeklikse uitvoerinspeksies kom laag in op 11.8 miljoen skepels. Dis 17% laer as die week van tevore. Meksiko was die grootste koper met net minder as 2 miljoen skepels.
• Rusland se uitvoere, die wereld se grootste uitvoerder van koring, vertoon ook baie swak. In die eerste twee maande van 2020 voer hulle 134.8 miljoen skepels uit. Dit is 21% stadiger as die 2019 pas.
• Kazakstan het bevestig dat hulle meer as sewe miljoen skepels se koring sal uitvoer, aangesien hulle voorrade tans op 9.2 MMT staan.
• Egipte is gereeld die wereld se nommer een koring invoerder. Die Regering bevestig egter dat hulle meer as vier maande se voorraad tans het, en dat hulle later die maand sal begin stroop.
• Die totale koring aanplantings behoort weer die jaar n algehele laagtepunt te bereik vir 2020. Die voornemings om te plant kom op 44.655 miljoen skepels te staan wat n volle 1% laer is as verlede seisoen. Hard Red Winter (21.7 miljoen akkers) en Spring Wheat (12.6 miljoen akkers) is die twee wat die grootste oppervlakte op maak.

Finansieel

Internasionaal


• Die rand bly steeds uiters volatiel verhandel, met die rand wat gister 'n laagtepunt teenoor die dollar maak, maar sowat 60 sent teen die dollar versterk van hierdie laagtepunt af.
• Dit wil voorkom of die korttermyn sentiment so ietwat draai, met die sterk neagtiewe lopie wat iewers 'n breek sterker behoort te maak.
• Met sistemiese probleme in die vorm van die impak van die Corona virus en die strukturele hervorming van die ekonomie wat steeds nie plaasvind nie, is die langtermyn prentjie egter steeds somber.
• Die verwagting is steeds dat die rand so laag as R20/$ van verhandel.
• Daar is wel ook positiewe nuus in die vorm van die plaaslike infeksiekoers wat baie stabiel is nie nie wesenlik van dag tot dag toeneem nie. Die moontlikheid van kapitale invloei in die erg onderdrukte JSE( sodra die vrees oor die virus stabiliseer), kan ook ondersteuning aan die plaaslike wisselkoers bied.
• Die dollar indeks verhandel sywaarts op 100.568 punte.
• Brent ru-olie se prys verhandel vanoggend sterker op $33.80/vat.
• Die JSE se indeks vir alle aandele verhandel 0.23% swakker op 46'240 punte.

Markverslae

Type:

Linkmap

Registreer nou om Senwes Grainlink se Agri Markverslag daagliks via epos en/of SMS te ontvang. Enige vrae en of kommentaar kan gestuur word aan market@senwes.co.za