Grondkartering, gebruiksaanwending en Produksiepotensiaal
JUNIE 2009
Grondkartering is baie belangrik in die bepaling van grondpotensiaal en grondgebruik.
In
hierdie artikel:
�
Grondpotensiaal
�
Grondeienskappe
�
Verskillende bekende grondvorms en hul
aanwending
�
Grondomskakeling na weiding
�
Vestiging van weidingsgewasse
�
Verwysings
�
Figure
Karteringsdata moet doeltreffend aangewend word, sodat
akkerbougewasse op die regte tipe grond verbou en marginale
grond na geskikte weidingsgewasse omgeskakel kan word. Sodoende
word die produksiepotensiaal van verskillende grondsoorte
optimaal benut.
Grondpotensiaal
Grondpotensiaal word deur verskeie faktore be�nvloed, waaronder
klimaat, tekstuur, diepte, onderliggende materiaal, kleur en die
ligging van grond. �n Spesifieke grondsoort kan in een
distrik marginaal wees vir �n spesifieke gewas, terwyl dit in �n
ander streek as goeie grond beskou kan word. Dit is gevolglik
belangrik om die aanwending van grond en die produksiepotensiaal
binne hierdie konteks te beskou. Hier word meer gefokus op die
grondvorms wat oor die algemeen in die Senwes-gebied voorkom.
Die hoeveelheid, verspreiding en intensiteit van die re�nval is
belangrik in die bepaling van grond se gebruiksaanwending en
produksiepotensiaal.
Grondeienskappe
Tekstuur
Hoe ho�r die klei-inhoud, hoe meer vog kan deur die grond
gestoor word. Aan die ander kant is minder vog op die ho�
klei-inhoud grond uiteindelik beskikbaar vir plante as op
byvoorbeeld leemgrond. Die re�nval in die sentrale
produksiegebiede is gewoonlik laag, daarom doen sanderige grond
normaalweg beter as kleigrond in di� gebiede.
Gronddiepte en onderliggende lae
Gronddiepte en klei-inhoud bepaal die waterstoorvermo� van grond.
Dieper grond het gewoonlik �n groter waterstoorvermo� as vlak
grond. Keerlae (wat die dreinering van grondwater keer) is
voordelig indien dit diep genoeg voorkom en nie versuiptoestande
bevorder nie. Wanneer die klei-inhoud in die ondergrond laag is
en daar geen voghoudende keerlae binne 200 cm tot 250 cm voorkom
nie, kan die potensiaal ook nadelig be�nvloed word.
Onderliggende materiaal, soos gruis en klipperige lae wat nie
grondwater kan vashou nie, is weer nadelig.
Kleur
�n Rooi grondkleur is �n beter aanduiding van �n dro�r
grondklimaat as byvoorbeeld �n geel of swart kleur.
Ligging
Ligging is belangrik, omdat die grond op �n plek waar water
wegloop �f op �n plek waarheen water loop, kan voorkom.
Verskillende bekende grondvorms en hul
aanwending
Hutton
Die grond is rooi van kleur, dreineer baie goed en is geskik vir
alle somergewasse indien dit genoegsame grondwater kan stoor.
Huttongrond wat diep genoeg is, is uitstekende besproeiingsgrond.
Bainsvlei
Hierdie grond het �n vogtige grondklimaat. Dreinering is beter
as di� van die Avalon-grond, maar nie so goed soos die Hutton-grond
nie. Dit is geskik vir alle somergewasse.
Avalon
Hierdie grond het �n vogtige grondklimaat en is geskik vir alle
somergewasse. Vanwe� die waterstoorvermo� is dit die ideale
grond vir koringverbouing.
Westleigh
Die grond is gewoonlik vlak en kan aan versuiptoestande
onderhewig wees. Vlakker Westleigh-grond (<60 cm) presteer die
beste onder natuurlike weiding, aangesien dit nie in staat is om
voldoende vog op te gaar vir bestendige gewasproduksie nie.
Pinedene
Dit het �n vogtige tot nat grondklimaat. Hierdie grond het
gewoonlik �n gemiddelde tot ho� potensiaal en mielies,
graansorghum, sonneblom, koring en voergewasse kan daarop verbou
word, mits dit diep genoeg is.
Clovelly
Dreinering is baie goed indien die grond diep is en
versuiptoestande kom nie maklik voor nie. Dit kan egter maklik
te diep wees, wat weer nadelig kan wees vir vogvoorsiening.
Hierdie grond is meestal geskik vir alle somergewasse.
Sterkspruit
Die grond is baie vlak en het �n swak voghuishouding (te droog
of te nat) en behoort vir weidings gebruik te word.
Valsrivier
Hierdie grond is gewoonlik baie vlak en het �n swak
voghuishouding. Dit kan die beste onder natuurlike veld benut
word en geen kontantgewasverbouing word op hierdie grond
aanbeveel nie.
Katspruit
Dit is normaalweg baie vlak grond en mag nooit geploeg word nie.
Dit presteer die beste onder natuurlike veld. Indien dit wel
geploeg is, moet permanente aangeplante weiding daarop gevestig
word.
In Figuur 1 word grond aangetoon wat nie vir
graangewasverbouing aanbeveel word nie en liefs onder weiding
gevestig moet word.
Grondomskakeling na weiding
Die besluit om grond om te skakel begin eintlik by die skep van
�n grondgebruikskaart of hulpbronbeplanning.
� Dit vergemaklik baie dinge, aangesien die hulpbron vir jou die
besluit begin neem. Sodoende kan �n ingeligte besluit geneem
word oor die omskakel van lande na weiding, asook teen watter
tempo dit moet plaasvind.
� Die karteringskaart is nie nuttelose inligting vir die
aangeplante weiding wat gevestig word nie, omdat die
produksievermo� van die weiding daaruit afgelei kan word.
Hierdie inligting is weer van groot waarde vir die bepaling van
veegetalle en drakrag.
� Dit is ook van groot waarde vir toekomstige bemestingsbesluite
wat geneem sal moet word.
� Dit is ook belangrik om te besef dat marginale mieliegrond nie
noodwendig ho�potensiaal weidingsgrond is nie.
Vestiging van weidingsgewasse
Vir die suksesvolle vestiging van weidingsgewasse, moet daar aan
�n paar basiese beginsels voldoen word.
Tyd van die jaar en klimaat
Eerstens moet daar besin word oor die tyd van die jaar wat die
vestiging gaan plaasvind. Die tyd van vestiging moet s� gekies
word dat dit saamval met verwagte gunstige klimaatstoestande.
Dit is ook beter om weidings te vestig wanneer die ontkieming en
groei van die meeste onkruid afneem. Uiteraard kan die klimaat
nooit met sekerheid voorspel word nie, maar langtermyn
klimaatsgegewens gee vir ons darem �n redelike goeie idee
wanneer om te plant en wanneer nie. Die mees geskikte maande is
Februarie en Maart.
Saad
�n Goeie praktyk is om saad betyds aan te koop. Die nadelige
invloed van onkruiddoders wat oorgedra word op die ontkieming en
ontwikkeling van saailinge, moet nooit onderskat word nie. Maak
absoluut seker dat die voorgeskrewe wagperiodes eerbiedig word.
Die gebruik van goeie kwaliteit, suiwer saad, met �n bekende
kiemkragtigheid, gee baie gemoedsrus. Koop gesertifiseerde saad.
Onkruidbeheer
In goed gevestigde weidings is onkruid normaalweg nie �n groot
probleem nie, maar in pas gevestigde aanplantings is dit �n
ander storie. Die beheer van onkruid kan die verskil wees tussen
sukses en mislukking. �n Praktyk wat al meer veld wen, is om die
laaste bewerking voor planttyd, wat hoofsaaklik gerig is op
onkruidbeheer, te vervang met chemiese onkruidbeheer. Sodoende
bly die boonste grondlagie onversteurd, wat help om die saadbed
nog meer ferm te kry. Dit voorkom ook dat onkruidsade na die
oppervlakte gebring word.
Koste
Die vestigingskoste vir Smutsvinger beloop ongeveer R1 600/ha.
Hierdie syfer kan egter van streek tot streek verskil, omdat
verskillende grondtipes verskillende bewerkingspraktyke kan
vereis. Dit impliseer variasies in die vestigingskoste.
Die omskakeling van laepotensiaal grond na weidings verg
deeglike beplanning en toewyding. Die nakoming van �n paar
basiese beginsels is uiters belangrik:
� Doen �n volledige hulpbronbeplanning (grondkartering en -monsterneming);
� Ken die klimaat (dit kan die tyd van omskakeling bepaal); en
� Beplan al die aksies deeglik (byvoorbeeld grondvoorbereiding,
saad en vestiging)
Senwes Landboudienste beskik oor �n Hulpbron-afdeling wat
spesialiseer in grondkartering en -monsterneming.
Verwysings
Mouton, J. Om oor te skakel...of nie. Senwes
Landboudienste.
Louw, T. Vestiging van weidingsgewasse. Omnia.
Muller, B. Belangrikheid van grond as hulpmiddel. Senwes
Landboudienste.
Grondklassifikasie: �n Taksonomiese sisteem vir Suid-Afrika.
Grondklassifikasiewerkgroep.
Koos van Rensburg is �n Grondtegnoloog by Senwes
Landboudienste. Vir enige navrae, stuur �n e-pos na:
[email protected]
, of skakel hom by (018) 431 0690 of 083 440 1496.
Gerrit Oosthuizen is �n Senior Akkerboukundige by Senwes
Landboudienste. Hy is beskikbaar by e-pos:
[email protected]
of (018) 462-8533/084 506 8791.
Figure
Figuur 1: Voorbeelde van grond wat nie vir
graangewasverbouing aanbeveel word nie.