MySenwes





MySenwes - Hulp
Indien jy enige probleme of navrae het, kontak asseblief die MySenwes Hulplyn:
 

 

MySenwes – Agri Markinligting

Please note that the Safex prices are not the Market to Market related prices.

Markopsomming

Mielies

Plaaslike


• Die plaaslike mark verhandel gister sterk opwaarts in 'n kenmerkende volatiele verhandelingsessie.
• Jul21 witmielies verhandel R86 hoër om te sluit teen R3 317/t, met Des21 witmielies wat R89 opwaarts verhandel teen R3 450/t. Jul21 geelmielies verhandel R89 hoër om te sluit teen R3 465/t, met Des21 geelmielies R91 opwaarts teen R3 587/t.
• Die mark verhandel swakker as pariteite weens die goeie tempo van die huidige stroopproses, tesame met hoër aangepaste oesskattingsyfers. Die druk behoort oor die langer termyn te duur.
• Sagis se nuutste leweringsverslag vir die week geëindig 4 Junie beloop 855 316ton, waarvan 480 761ton witmielies en 374 555ton geelmielies.
• Die nuutste uitvoere vir die week geëindig 4 Junie het 123 062t beloop, waarvan 6 425t witmielies was en 116 637t geelmielies.
• 'n Sterker rand werk sterker internasionale pryse teë, met pariteite wat sywaarts is vandag.

Internasionaal


• CBOT Corn pryse verhandel gister sterker na die USDA mielievoorraade aangepas het tot rekord laagtepunte.
• Jul21 Corn pryse verhandel 8sent hoër teen $6.9875/skepel, terwyl Des21 6.75sent sterker sluit teen $6.1650skepel.
• Die USDA WASDE verslag is gister vrygestel, met mielie eindvoorrade vir die 2021/2022 seisoen wat met 150 miljoen skepels verlaag weens hoër vraag na ethanol en hoër uitvoerverwagtinge. Dit laat eindvoorrade op 1.357 miljard skepels, laer as markverwagtinge. Dit is die laagste vlakke sedert die 1995/96 seisoen.
• Mielieuitvoervekope is ook gister bekend gemaak, met 'n 64% daling vanaf die vorige week vir ouseisoenverkope op 7.5 miljoen skepels. Nuwe seisoen verkope is meer, op 'n totaal van 8.5 miljoen skepels. Die syfers wat laer as markverwagtinge.
• Corn pryse kry verdere steun uit warm, droë weervooruitisgte oor die sentrale VSA later die maand.
•Brasiliaanse Conab plaas die land se totale mielieproduksie vir die 2020/2021 seisoen op 3.795 miljard skepels, 9.4% laer as die Mei skatting.

Oliesade

Plaaslike


• Die plaaslike mark het gister positief verhandel, weens ‘n styging in internasionale oliemarkte.
• Die Junie21 termynkontrakte vir sonneblom het gister R44 versterk en gesluit teen R8 506/t, terwyl die Julie21 termynkontrakte R13 hoër gesluit het teen R8 512/t.
• Die Junie21 termynkontrakte vir sojabone het gister R81 versterk en gesluit teen R7 331/t, terwyl die Julie21 termynkontrakte R81 hoër gesluit het teen R7 386/t.
• Die beskikbare persmarge bo die vaste en veranderlike kostes indien plaaslike sonneblom gepers word in vergelyking met die koste om eerder olie en -koek in te voer is tans R741, terwyl die persmarge bo vaste en veranderlike kostes vir sojabone R185 beloop.
• Sojaboon pryse behoort oor die langer termyn onder druk te bly op die rug van 'n groter verwagte oes, met die teendeel waar vir sonneblompryse.
• 'n Sterker rand werk hoër internasionale pryse teë, met verwagte pariteite vir vandag tussen R27 en R165 afwaarts.

Internasionaal


• Sojaboonpryse het gister negatief verhandel op die rug van tegniese verkope, gedeeltelik aangespoor deur hoër as verwagte eindvoorrade. Die Julie-termynkontrakte het met 19.25 sent gedaal tot $ 15.43 per skepel, terwyl die Augustus-termynkontrakte gedaal het met 13.25 sent tot $ 15.09 per skepel.
• Die soja-eindvoorrade vir die bemarkingsjaar 2021/22 het meer gestyg as wat verwag is, tot 155 miljoen skepels teenoor die gemiddelde verwagting van 146 miljoen skepels. Dit is egter steeds historiese aandele. Wêreld eindvoorrade vir die bemarkingsjaar 2021/22 het ook bo die markverwagting beweeg, van 3.347 miljard skepels in Mei tot 3.400 miljard skepels in Junie.
• Die uitvoer van sojabone het verlede week 4.4 miljoen skepels in die ou- en nuwe-seisoen behaal. Dit was aan die onderkant van die markverwagting wat tussen 0 en 22.0 miljoen skepels gewissel het. Die kumulatiewe totale vir die bemarkingsjaar 2020/21 het steeds 'n voorsprong van byna 800 miljoen skep teenoor die tempo van verlede jaar, met 2.233 miljard skepels.
• Sojaboon-uitvoere het met 2% afgeneem tot onder die 4 weke gemiddelde van 10.2 miljoen skepels. Indonesië was die hoof-bestemming, met 3.1 miljoen skepels.
• Brasilië se Conab het die markverwagting vir die produksie van sojabone in die bemarkingsjaar 2020/21 verhoog na 4.992 miljard skepels. Dit is 'n toename van 8.8% op 'n jaargrondslag. Die uitvoer van hierdie bemarkingsjaar sal na verwagting 3.257 miljard skepels wees.

Koring

Plaaslike


• Die Jul 2021 kontrak het gister op R4956 gesluit. Die Sep 2021 kontrak het teen R4955 gesluit.
• Die Rand verhandel vanoggend teen R13.58.
• Die nuutste invoertarief is gepubliseer teen R191.70.Die nuutste tarief word egter op -R95.36 bereken, maar is nog nie gepubliseer nie.
• Vanaf 01 Feb 2021 tot 31 Okt 2021 sal 300 000t EU koring tariefvry ingevoer word.
• Verlede week was daar 28,096 ton koring ingevoer en 3,175 ton koring uitgevoer.
• Progressief vanaf 1 Oktober 2020 is 1.047m ton koring ingevoer terwyl 69,575 ton koring uitgevoer is.
• Die verwagte prysbeweging vir vandag is positief.

Internasionaal


•Koringpryse het gister weereens gemeng verhandel. Die September CBOT het 0.75 sent laer verhandel en verhandel tans teen $6.8825, September Kansas City HRW verhandel teen $6.4775, terwyl die September MGEX future met 12.25 sent gestyg het tot $7.82.
• Die USDA-verslag het groter aanbod, hoër plaaslike verbruik en onveranderde uitvoere getoon. Eindvoorraad vir 2021/22 het afgeneem van 774 miljoen skepels in Mei tot 770 miljoen skepels.
• Uitvoerverkope vir die begin van die 2021/22 bemarkingsjaar het 12.0 miljoen skepels beloop. Totale uitvoere vir die 2020/21 bemarkingsjaar het 911.5 miljoen skepels beloop. Verskepings vir die eerste 3 dae van Junie beloop 5.0 miljoen skepels met Japan, Dominikaanse Republiek en Thailand wat die hoofbestemmings was.
• IKAR in Rusland het hul produksieberaming opwaarts aangepas met 73 miljoen skepels tot 3.013 miljard skepels.

Finansieel

Internasionaal


• Die rand verhandel gister sterker op die rug van 'n swakker dollar
• Amerikaanse inflasie data is gister beter-as-verwag vrygestel, wat spekulasie van enige verandering aan die huidige monetêre beleid briek en dus risiko aptyt vir ontluikende markte 'n hupstoot gee.
• Die rand kry verdere steun uit die plaaslike handelsbalans wat tot 5% van BBP vergroot het gedurende die eerste kwartaal van 2021.
• Die verbeterde handelsbalans syfers kom na beter-as-verwagte groeisyfers wat vroeër die week bekend gemaak is. BBP data vir die eerste kwartaal is vrygestel op 4.6%, aansienlik hoër as die ,arkverwagting van 2.5%.
• Menigte kenners waarsku wel dat die versterkende tendens nie oor die langtermyn volhoubaar is nie, gegewe plaaslike fiskale struikelblokke. Die struikielblokke word verder beklemtoon deur hernude beurtkrag wat ekonomiese aktwiteit kan belemmer.
• Te midde van kommer rondom 'n derde vlaag Covid-19 infeksies, die stadige pas van inentings, en plaaslike fiskale struikelblokke, behoort plaaslike monetêre beleid oor die langer termyn onveranderd bly.
• Die dollar indeks verhandel op 89.99 punte.
• Brent ru-olie se prys verhandel vanoggend op $72.14/vat.
• Die JSE se indeks vir alle aandele verhandel op 67'542 punte.

Markverslae

Type:

Linkmap

Registreer nou om Senwes Grainlink se Agri Markverslag daagliks via epos en/of SMS te ontvang. Enige vrae en of kommentaar kan gestuur word aan market@senwes.co.za