MySenwes





MySenwes - Hulp
Indien jy enige probleme of navrae het, kontak asseblief die MySenwes Hulplyn:
 

 

MySenwes – Agri Markinligting


Markopsomming

Mielies

Plaaslike


• Die afgelope tyd se verhandeling op die plaaslike mark kan slegs beskryf word as deurlopend onder druk.
• Dieselfde ritme het gister realiseer met die mark wat vir die vierde agtereenvolgende sessie swakker as die pariteit teen marksluiting verhandel het.
• Die potensiële pariteit teen marksluiting was sowat R10 negatief en witmielies het oor die algemeen sowat R45 negatief en geelmielies sowat R35 negatief gesluit.
• Dit is waarskynlik belangrik om in ag te neem dat die enigste rede hoekom ons mark ondersteuning gekry het vanaf R2500/mt vlakke tot by die heersende R2800-R2900/mt vlakke was grootliks op die rug van die VSA prysbeweging.
• ‘n Ander aspek wat tans belangrik is om in ag te neem is dat die balansstate en scenario’s daarop dui dat WM waarskynlik goedkoper as YM moet wees aangesien YM ingevoer moet word om die pyplynvoorraad aan te vul en WM voorraad waarskynlik voldoende sal wees.
• Wit-en geelmieliepryse het die afgelope tyd reeds in lyn getrek wat ‘n beperking op WM pryspotensiaal plaas.
• Die rede vir YM se beperkte pryspotensiaal is dat daar altyd ‘n vergelyking getref sal word tussen die koste om YM in te voer aan die kus of om plaaslike YM van die binneland af aan te ry.
• Vanoggend se syfers dui daarop dat plaaslike YM in lyn geprys is om te land in die Kaap as om Argentynse YM in te voer.
• Die VSA prys het netto sedert Vrydag 12:00 sowat 1.25 sent verhoog terwyl die rand sowat 15 sent sterker is. Die aanvanklike potensiële pariteitsbeweging is sowat R20 negatief.

Internasionaal


• Die VSA mark reageer tans op enige korttermyn opflikkering van uiterste optimisme.
• Pryse het in hierdie lig terug gesak gister na die 92% aanplantingsvordering as gunstig gesien word.
• Hierdie realiteit ignoreer wel die feit dat indien die volle 8% nie geplant word nie, die USDA hul aangeplante oppervlak nog verder sal moet afbring.
• Tweedens ignoreer dit die realiteit dat daar hierdie week ‘n verdere 3” reën vir groot dele van die mielie band voorspel word.
• Die oes is laat geplant, opkoms is dienooreenkomstig laat en produsente sukkel om opvolg bespuiting en bemesting toe te pas.
• Die impak hiervan sal dus effektief in die oesgradering en opbrengspotensiaal weerspieël oor tyd.
• Basispremies was egter baie positief met een etanol aanleg in Indiana wat ‘n premie van soveel as 10 sent betaal het.
• ‘n Bekende markanalitiese maatskappy dui egter tans aan dat VSA mielies in ‘n baie sterk verkoopsein is. Fondse is netto lank, dit is die tyd vir seisoenale hoogtepunte, basispremies is gunstig en die mark is tegnies oorgekoop.

Oliesade

Plaaslike


• Plaaslike markte maak sterk oop, maar verloor stoom deur die dag soos die Rand versterk het. Sojaboonkontrakte sluit tussen R33/ton en R47/ton negatief, terwyl Sonneblomkontrakte tussen R17/ton en R36/ton positief sluit.
• Die Rand versterk gister deur dag. Vanaf gister 12:00 tot vanoggend versterk die Rand steeds verder met 15c tot R14.53/$.
• Met Sojaboonkontrakte wat baie sterk steun ontvang die afgelope paar weke verander die wins marges op die pers van oliesade drasties. Waar Perse ongeveer vier maal die netto winste op Sojabone gemaak het twee tot drie maande gelede, is dit nou meer winsgewend om Sonneblom te pers teenoor Sojabone.
• Met die VSA wat na die einde van die plantseisoen staan, kom die fokus plaaslik weer terug na lewerings en die kwaliteit van ons graan. Vandag se weeklikse leweringssyfer sal weer van kardinale belang wees, spesifiek vir Sojabone wat tans agter is.
• Die pariteitsom is R62/ton negatief.

Internasionaal


• VSA Sojabone beweeg sywaarts in n mark waar Mielies steun verloor. Sojaboonkontrakte styg 0.75c. Vanoggend is pryse egter 5c laer.
• Die Plantvorderingsverslag word gister bekendgestel. 77% van die nasionale Sojaboonoes is reeds geplant (weeklikse vordering van 17%), dit is teenoor n vyf-jaar-gemiddeld van 93% en verlede jaar se 96%.
• Die groot state se laaste dag om te plant, en steeds versekering op die oes te kry is 20 Junie 2019. Dit beteken daar is twee dae oor. Die oppervlaktes nie geplant nie staan op 18 600 000 akker (7.5 miljoen hektaar) of 23% van beplande akkers. Groot state wat die meeste hektare oor het om te plant is Illinois (3 150 000 akker), Ohio (2 673 000 akker), Missouri (2 365 000 akker) en Indiana (2 052 000 akker).
• Slegs 55% van die aangeplante Sojaboonplante het reeds opgekom, teenoor die vyf-jaar-gemiddeld van 84% en verlede jaar se syfer van 89%. Die 55% is gemaklik die swakste op rekord.
• Daar is nasionaal 21% gevorder met die plant van Sojabone gedurende verlede week. Die totale plantsyfer staan tans op 60%, die vyf-jaar gemiddeld is 88% en verlede jaar dieselfde tyd was boere reeds 92% klaar geplant. Die state wat tans die verste agter is, is Ohio op 32%, Missouri op 37% en Indiana op 42%.
• Weervoorspellings dui tussen 1 en 5 duim se reën aan vir die week van die 16 Junie 2019 tot 24 Junie 2019 oor die state wat reeds die verste agter is. Vir die week van die 24 Junie 2019 tot 2 Julie 2019, vir die selfde streek is die voorspelling tussen 0.1 en 3 duim.

Koring

Plaaslike


• Plaaslik koringpryse verhandel positief op die Julie 2019 kontrak. Die beweging van die Rand is tans die bepalende faktor wat prysbeweging bepaal.
• Die Julie 2019 kontrak verhandel R7 positief teen R4482.
• Die Rand verhandel vanoggend sterker teen R14.56.
• Die Desember 2019 kontrak verhandel teen R4416. Produsente kan oorweeg op te begin verskans teen hierdie vlakke.
• Met die April reën wat oor 'n wye gebied uitgesak het, behoort koringaanplantings vir die komende seisoen te verhoog. Aanduidings dui tans op 'n 2% toename in hektare op 513 450. Teen die 5 jaar opbrengs van 3.4t/ha dui dit op 'n potensiële oes van 1.8 mmt.
• Die nuutste invoertarief is op 13 Junie 2019 teen R957.95 gepubliseer. Die vorige tarief was R675.10. 'n Nuwe tarief van R664.70 is op 11 Junie 2019 geaktiveer.
• Daar is die afgelope week 13 200t vanaf Kanada ingevoer.
• Invoere sedert 01 Okt 2018 beloop 754 733t. Uitvoere staan op 64 819t.

Internasionaal


• VSA koringmarkte verhandel negatief. Julie 2019 kontrakte daal met tussen 8- en 10.75 sent per skepel.
• Droeë weer oor Rusland, Kanada en Australië word tans fyn gemonitor. Rusland het begin stroop en hul oes word op 3.02 biljoen skepels geraam.
• Die WASDE syfers het aangedui dat VSA produksie van 1.897- na 1.903 biljoen skepels gelig word terwyl eindvooraad van 1.27- na 1.102 biljoen skepels daal.
• VSA HRW is tans 10% gestroop. 63% van dié oes is tans goed-tot-uitstekend.
• VSA lentekoring is tans 77% geplant. Die opkoms is tans 95% en die oes word op 81% goed-tot-uitstekend geraam.
• VSA uitvoerinspeksies het die afgelope week op 'n totaal van 13.8 miljoen skepels uitgekom. Die verwagtinge was vir tussen 11- en 22 miljoen skepels.
• Australië het vir die komende seisoen hul beplande uitvoere met 18% gesny vanweë voortslepende droogtetoestande. Hulle is die vierde grootste uitvoerland.
• Japan is in die mark om 2.3 miljoen skepels by die VSA aan te koop.

Finansieel

Internasionaal


• Die Rand verhandel gister sterker, ten spyte van 'n heelwat sterker dollar. Die versterking in die rand volg op kommentaar deur pres. Ramaphosa dat nuwe hulpmaatreëls vir Eskom ingestel gaan word.
• Die ontwikkelende geldeenhede kry ondersteuning uit 'n verwagting dat die Federale reserweraad, na 'n twee dae lange vergadering, daarop gaan dui dat VSA rentekoerse moontlik later in die jaar verlaag gaan word.
• Dit volg op druk vanuit kommentaar wat deur Mario Draghi - die Europese sentrale bank se voorsitter - die Europa steeds stimulus in plek sal hou indien inflasie nie begin optel daar nie.
• Die Dollar versterk wesenlik op die rug van hierdie nuus.
• Die dollar indeks verhandel op die oomblik op 97.65 punte.
• Brent ru-olie se prys verhandel gister weer sterk positief en is nou op $62.13/vat.
• Die JSE se indeks vir alle aandele het sterker verhandel en op 58,629 punte gesluit.

Markverslae

Type:

Linkmap

Registreer nou om Senwes Grainlink se Agri Markverslag daagliks via epos en/of SMS te ontvang. Enige vrae en of kommentaar kan gestuur word aan market@senwes.co.za