MySenwes





MySenwes - Hulp
Indien jy enige probleme of navrae het, kontak asseblief die MySenwes Hulplyn:
 

 

MySenwes – Agri Markinligting


Markopsomming

Mielies

Plaaslike


• Plaaslike pryse het gister weereens swakker verhandel as wat die pariteite deur die oggend sou aandui.
• Hierdie verswakking is waarskynlik as gevolg van spekulatiewe posisies wat gesluit word.
• Die lewerings vir die vorige week is steeds sterk, wat ook druk op pryse plaas. Daar is egter steeds sowat 27% van die oeslewerings uitstaande.
• 'n Verdere probleem hierdie jaar is swakker grade wat gelewer word - gister se syfers dui aan dat in die vorige week 22% van die lewerings laer grade is. Die lewering van swak grade hierdie seisoen plaas 'n premie op eerste graad witmielies op die oomblik.
• Die prysverskil tussen wit-en geelmielies het weereens verklein met witmielies wat swakker as geelmieliepryse verhandel.
• Met die swakker WM wat gelewer word, word hierdie laer grade op die geelmielieprys geprys en na die voermark toe geskuif. Die grootte van hierdie skuif is op die oomblik onbekend en dit is onbekend wat die impak op eindvoorraad later in die seisoen gaan wees.
• Met sowat 400,000ton se laer graad WM wat reeds hierdie seisoen gelewer is en 'n geskatte 250,000 ton se laer grade wat van die vorige seisoen oorgedra is, is 'n wesenlike deel van die verwagte eindvoorraad hierdie bemarkingsjaar reeds 'n laer graad.
• Hierdie scenario veroorsaak dat die mark onseker is hoeveel WM1 wel later in die seisoen beskikbaar gaan wees aangesien die WM2s waarskynlik die behoefte aan YM in die voermark sal aanvul om die balansstaat te laat klop en voldoende pyplynvoorraad te verseker.
• YM kan wel ingevoer word, maar die mark behoort versigtig te wees om in ‘n situasie te land waar WM ingevoer moet word na die 2015/16 Meksikaanse WM fiasko.
• Winsneming of onsekerheid wat die potensiaal van die prysverskil tussen WM en YM kan wees het gister dus waarskynlik bygedra tot die druk op WM pryse.
• Die VSA prys het netto sedert gister 12:00 sywaarts terwyl die rand effektief 1 sent swakker is. Die aanvanklike potensiële pariteitsbeweging is R3/mt positief.

Internasionaal


• VSA mieliepryse het ondersteuning gekry uit goeie uitvoersyfers wat gerapporteer word.
• Uitvoerverkope was sterk gerapporteer, op 16.6M skepels. Hierdie is heelwat meer as die verwagting van 10.7M skepels.
• Werklike verskepings was 21.3M skepels - ook groter as die verwagting.
• Pres. Trump het met sy kabinetslede vergader om te bepaal hoe die vraag na biobrandstof verhoog kan word om die boere te ondersteun.
• Die nuutste verwikkeling met VSA weer is dat koeler as normale weer vir die komende twee weke voorspel word. Hoewel die risiko van ryp laag is op die oomblik, begin produsente bekommerd raak oor die beskikbaarheid van voldoende hitte-eenhede om die oes ten volle ryp te laat word.
• Die oes bly fisiologies laat met bestuiwing, sagte deeg en mielies wat reeds ingeduik is wat veel stadiger ontwikkel as verlede seisoen en die 5-jaar gemiddeld.
• Opbrengspotensiaal en aangeplante oppervlak bly tans die groot vraagstuk wat werklik eers duidelik sal word soos wat die oes nader aan volledige ontwikkeling is.
• Daar is tans 'n groot oestoer in die VSA besig - die Pro-farmer oestoer. Hierdie toer lewer tans gemengde resultate met sommige state wat swakker as verwagte opbrengste rapporteer en ander wat beter as verwag vertoon.
• Skattings modelle gebaseer op oeskwaliteit raam tans dat opbrengs in die omgewing van 168.6 skepels per akker kan wees teenoor die Augustus WASDE se raming van 169.5 skepels per akker.

Oliesade

Plaaslike


• Oliesaadkontrakte verhandel en sluit sywaarts op baie lae volumes. Desember Sonneblomkontrakte sluit R4/ton laer as gister terwyl Sojaboonkontakte R1/ton hoër sluit.
• Die Rand verhandel tans teen R15.21/$, wat 1c swakker is as gister se 12 uur vlak.
• Tans is die winsmarges vir plaaslike perse op Sonneblom R460/ton, teenoor Sojabone se R124/ton.
• Sonneblomlewerings vir die week geëindig 16 Augustus 2019, kom te staan op 1858 ton. Totale ontvangste is 659 544 ton wat reeds 4 000 ton meer as die nuutste NOK skatting is.
• Sojaboonlewerings vir die week geëindig 16 Augustus 2019, kom te staan op 2432 ton. Totale ontvangste is 1 106 793 ton wat 64 000 ton kort is van die nuutste NOK skatting.
• Vandag se pariteitsbeweging is R15.10/ton negatief.

Internasionaal


• VSA Sojaboonkontrakte verhandel onder druk weens goeie reën voorspellings wat op ‘n kritieke tyd kom. Goeie uitvoer data beperk verliese tot 4.25c/skepel.
• Sojaboon uitvoer verkope vir die week kom te staan op 30.1 miljoen skepels (820 000 ton). Dit is 4 miljoen skepels beter as laas week en amper dubbel die verwagte uitvoer verkope.
• Sojaboon uitvoer verskeping kom te staan op 43.1 miljoen skepels (1.17 miljoen ton). Sjina bly steeds die nommer 1 invoerder van VSA Sojabone met 29% van die totale uitvoere.
• Die volumes op VSA kontrakte styg met 46% van Woensdag tot Donderdag. Die hoeveelheid kontrakte Donderdag verhandel was 156 827.

Koring

Plaaslike


• Plaaslik koringpryse verhandel gemeng. Die September 2019 kontrak sluit R9 laer teen R4618 en die Desember 2019 kontrak R19 hoër teen R4679. Die spread tussen September 2019 (ou seisoen) en nuwe seisoen Desember 2019 kontrak is tans R70.
• Produsente moet fisiese prysings teen die huidige R4650 - R4700 vlakke op Desember 2019 baie sterk oorweeg.
• 'n Beduidende 47 250t het Donderdag verhandel.
• Die beweging van die Rand en seisoenale tendens is tans die bepalende faktore wat prysbeweging bepaal. Die Rand verhandel vanoggend sterker teen R15.21.
• Die Suid-Kaap beleef warm en droeë toestande die afgelope twee weke en produsente gaan nie maklik voor stroop verkoopskontrakte aangaan nie. Sondag word reën oor die Suid-Kaap voorspel.
• Die laaste gepubliseerde invoertarief was op 13 Junie 2019 teen R957.95. 'n Nuwe tarief van R664.70 het op 11 Junie 2019 geaktiveer maar nog nie gepubliseer nie. Aanduidings is dat die huidige geativeerde tarief rondom R1008 per ton is.
• Die afgelope week is 27 207t vanaf Rusland en Kanada ingevoer.
• Invoere sedert 01 Okt 2018 beloop 997 752t. Uitvoere staan op 101 951t.

Internasionaal


• VSA markte verhandel positief met die vrystelling van goeie uitvoersyfers. September 2019 kontrakte verhandel 8 sent per skepel hoër.
• VSA uitvoerverkope het die afgelope week op 21.9 miljoen skepels uitgekom. Verlede week was dié syfer 14.1 miljoen skepels.
• Die VSA winteroes is tans 93% gestroop. Die vyf jaar gemiddelde strooptempo teen dié tyd van die jaar is 98%.
• Lentekoring word op 70% goed-tot-uitstekend geraam en opbrengste word teen 50.75 skepels per akker geraam. Dié oes is tans 16% gestroop.
• Die Kanadese koringoes word op 1.189 biljoen skepels geraam. Dit is effens groter as die oes van verlede jaar.
• Die koringoes in die Oekraïne word 11.6% groter jaar-op-jaar geraam.
• Japan het 4 miljoen skepels by die VSA en Kanada aangekoop.

Finansieel

Internasionaal


• Die Rand het gister sywaarts verhandel weens 'n gebrek aan nuwe nuus in die mark.
• Verwagtinge dat internasionale ekonomieë fiskale stimilus gaan implimenteer om sodoende wêreldwye ekonomiese groei 'n hupstoot te gee, is tans die grootste drywer van geldeenhede.
• Die fokus is tans op FED hoof, Jerome Powell, se toespraak by die Jackson Hole seminar later vandag. Die mark hoop om leidrade te kry rondom beplande monetêre beleide in die VSA, met twee .
• Die Rand kry wel volgehoue druk uit die onvermoë van die plaaslike regering om staatsbeheerde entiteite (soos Eskom) te bestuur en voorstelle om hierdie maatskappye deur private spaargeld te finansier.
• Die kommentaar deur 'n senior ANC-woordvoerder dat pensioenfondse gedwing kan word om in hierdie entiteite te belê is swak vir die plaaslike geldeenheid.
• Omdat die rand-likiditeit so hoog is, word die plaaslike mark as voorloper gebruik as maatstaf vir ontwikkelende ekonomieë.
• Verder raak die plaaslike mark onrustig deur Pres. Ramaphosa se kommentaar dat die Nasionale gesondheidsversekering implementeer gaan word, kom wat wil. Hierdie program word as onbekostigbaar vir die plaaslike ekonomie beskou.
• Te midde van al die onsekerheid wat heers, het goudpryse tans 'n goeie lopie.
• Die dollar indeks verhandel op die oomblik op 98.329 punte.
• Brent ru-olie se prys verhandel laer en is tans op $60.04/vat.
• Die JSE se indeks vir alle aandele het 0.82% swakker verhandel en op 54,187.93 punte gesluit.

Markverslae

Type:

Linkmap

Registreer nou om Senwes Grainlink se Agri Markverslag daagliks via epos en/of SMS te ontvang. Enige vrae en of kommentaar kan gestuur word aan market@senwes.co.za