Studiegroep-deelname onontbeerlik in die huidige landboumilieu
2003-11-01 - Thys Grobbelaar

Die landbou-omgewing waarin die produsent moet oorleef en presteer het so ingewikkeld en soms landbou-onvriendelik geword dat die produsent beswaarlik die mas kan opkom sonder dat hy kragte met sy medeprodusent saamspan.

Boerdery is al dekades nie meer ‘n bestaansonderneming nie, maar wel ‘n besigheid wat genoeg wins moet realiseer om volhoubaar te kan wees. Die produsent moet elke dag etlike besluite neem en is afhanklik van inligting om effektiewe besluite te neem.

Enige besluit wat die produsent neem, het gewoonlik ‘n finansiële implikasie - positief of negatief. Dit is algemeen bekend dat verskeie boerderye ten gronde gegaan het deur té veel verkeerde besluite wat gegrond was op foutiewe of ongegronde feite.

Die tergende vraag is egter waar en hoe akkurate inligting bekom kan word vir besluitneming in die boerdery. Die produsent word vandag toegegooi met inligting wat met die druk van ‘n rekenaarsleutel vanoor die hele wêreld bekom kan word. Die vraag is verder hoe bruikbaar, nuttig en toepaslik die inligting is en of dit onder plaaslike omstandighede getoets is.

Die Departement van Landbou was vir jare die waghond wat inligting versamel het en dit met plaaslike proewe in Suid-Afrika getoets het. Die landbounavorsingsraad is later gestig, wat die funksie tot ‘n groot mate oorgeneem het. Produksieknelpunte is nagevors en oplossings, wat dan in die praktyk toegepas is, is meesal daarvoor gevind. Die voormalige koöperasies, wat later jare na landboumaatskappye omgeskakel het, het sedert die sestigerjare landboukundiges aangestel wat onder praktykomstandighede die beskikbare inligting verder geëvalueer het. Die doel hiervan was om die produksierisiko’s nog verder in die landbou te verklein.

Waar staan ons vandag met die ondersteuning wat die betrokke instansies aan die produsent kan lewer? Dit is nie nodig om ver te soek om agter te kom hoe gemarginaliseer die instansies geraak het nie. Kundigheid vloei uit die organisasies en die inligting wat gegenereer word, word net al hoe minder. Selfs die hoeveelheid landboukundiges by koöperasies en landboumaatskappye het veral gedurende die negentigerjare drasties afgeneem. Sekere landboumaatskappye het besef wat aan die gebeur is en landboudienste departemente is weer uitgebou om ‘n beter diens aan sy klante en aandeelhouers te kan bied.
 Wat is die alternatief?
‘n Landboustudiegroep is ‘n alternatief. Dit is ‘n groep persone/produsente met gemeenskaplike boerderyprobleme wat hul kennis en die praktisering van hul boerderybedryf wil verbeter. Dit is verder ‘n verrykingsproses vir die produsent omdat daar ‘n wedersydse soeke tussen hom en die landbou-adviseur/navorser ontstaan na oplossings vir probleme en knelpunte wat in die alledaagse boerdery bestaan.

Weens die gespesialiseerdheid en situasiespesifiekheid van elke boerderyvertakking en boerderygebied het die behoefte aan studiegroepe al hoe meer toegeneem.Soos die Amerikaanse boere dit stel: Produsente put nuwe krag uit getalle. Deur kragte as produsente saam te snoer, kan hulle doeltreffender bemark, koop en hul ondernemings beter bestuur. Die Amerikaners noem hulle studiegroepe klubs: mielie- of koring- of soms ook winsklubs. Die klubs het dieselfde oogmerke as die landboustudiegroep in Suid-Afrika.studiegroepe klubs: mielie- of koring- of soms ook.

 
Kennisversameling en evaluering in die praktyk, soos dié groep wat ‘n grondprofiel bestudeer, kan een van die aksies van ‘n studiegroep wees.


Die Slikspruit-studiegroep van Smithfield bespreek die resultate van hul ooitoets-projek.

Met die proef wil die produsente inligting inwin wat nie geredelik beskikbaar is nie, maar nogtans noodsaaklik is vir die oorlewing van winsgewende kleinveeboerdery in dié deel van die land. Soos ‘n Amerikaanse mielieboer reeds in die sestigerjare oor hulle nuutgestigte mielieklub uitgewy het: “Mielieverbouingstegnologie in die land wissel baie en dit verander voortdurend. Ons sal ons geheime moet deel om doeltreffend te kan produseer.”

Voordele
Enkele voordele van ‘n landboustudiegroep is:

Studiegroepe in Suid-Afrika
Die eerste landbougeoriënteerde studiegroepe het in die laat vyftiger- en sestigerjare in die RSA ontstaan. Die eerste studiegroepe het boerderybesigheidsbestuur as tema gehad en finansiële rekordhouding was ‘n vereiste.

Die studiegroep soos ons dit vandag ken, se doelwitte het verander en kennisinsameling, evaluering en verspreiding as die verpraktisering daarvan maak ook ‘n groot deel daarvan uit. Dit is algemeen bekend dat daar studiegroepe in Suid-Afrika is wat reeds vir meer as twintig jaar bestaan en nog steeds aktief en effektief funksioneer. Hieruit blyk dit dat die studiegroep vir al die jare hul lede se oorspronklike behoeftes en verwagtings bevredig het en steeds nuwe behoeftes bevredig.

Bekende studiegroepe soos die Manna-, Broekman-, Petrusburg- en Dewetsdorp studiegroepe is slegs ‘n paar studiegroepe wat genoem word wat suksesvolle produsente en bekende landbouleiers as lede het.

Verdere redes wat daartoe aanleiding gegee het dat studiegroepe ‘n al hoe groter wordende rol moet speel by produsente in Suid-Afrika is onder andere die volgende:

Winsklubs in Amerika
Die uitgangspunte en doelwitte van winsklubs (studiegroepe) wat die Amerikaners algemeen aanwend, is die volgende:

Temas wat die afgelope paar jaar deur die winsklubs aangespreek is:

Die vraag is, indien die Amerikaners wat ‘n hoogs gesubsidieerde landbou het, dit nodig ag om winsklubs te stig om te kan oorleef en floreer, hoeveel te meer is dieselfde benadering nie in Suid-Afrika nodig nie?

Faktore wat studiegroep-effektiwiteit kan bevorder
Dit is belangrik dat huidige en voornemende studiegroeplede daarvan kennis moet dra dat sekere faktore die funksionering van ‘n groep voordelig of nadelig kan beïnvloed. Sekere studiegroepe is net vir ‘n beperkte tyd aktief en die volgende faktore is alreeds deur navorsing bewys as deurslaggewend te wees in die effektiewe funksionering van die groep oor tyd.

Navrae
Vir verdere inligting rakende studiegroepe en die effektiewe hantering daarvan, kontak Hendrik Mynhardt by (056) 212-2291.