Die volgende faktore het 'n wesenlike invloed op die insetkoste van koring:

• Grondeienskappe.
• Voorkoms van siekte en plae.
• Beplanningsopbrengs.
• Verdampingsaanvraag van 'n spesifieke gebied (besproeiing).
• Pomphoogte (besproeiing).
• Produkprys.

PRODUKPRYS
Suid-Afrika is oor die lang termyn 'n netto invoerder van koring. Die invoerpariteitsprys van koring speel 'n baie belangrike rol in die prysvorming van die binnelandse produsenteprys. Faktore soos die huidige en verwagte internasionale koringpryse, die internasionale en nasionale verbruik, voorraadvlakke en die wisselkoers sal in berekening gebring moet word waar 'n prys beding word.

Termynmarkinligting is maar een van die hulpmiddels wat nuttig gebruik kan word om die binnelandse koringprys te voorspel. Hierdie markinligting is egter nie vas nie en kan dramaties verander in reaksie op 'n enkele marksein.

Die pryse wat in die inkomste- en kosteberamings gebruik word, is dus nie die produsenteprys wat uiteindelik sal realiseer nie, maar slegs 'n verwagte prys.

SENSITIWITEITSANALISE
'n Sensitiwiteitsanalise word gebruik om die ekonomie by verskillende opbrengsmikpunte en produsentepryse aan te dui. Die surplus of tekort wat aangedui word, is in terme van die inkomste bo die reeds vermelde gespesifiseerde koste wat gebruik is.

Soos afgelei uit die sensitiwiteitsanalise wat in Tabel 2 en 3 verskyn, het opbrengs en produsenteprys 'n deurslaggewende invloed op die winsgewendheid van koringproduksie. Faktore wat die produsenteprys of opbrengs per hektaar nadelig kan be�nvloed, sal betyds ge�dentifiseer en aangespreek moet word.

PRODUKSIERISIKO'S WAT DEEGLIK IN GEDAGTE GEHOU MOET WORD:
Graankwaliteit

• Valgetal
  Hierdie kwaliteitsaspek het al vir menige produsent hoofbrekens besorg. Indien die geproduseerde koring nie voldoen aan die gestelde valgetal vereistes nie, kan dit 'n kwaliteitsprobleem tot gevolg h�, wat op sy beurt weer 'n nadelige finansi�le effek op die produsenteprys het. Die produsent moet so beplan dat sy koring so vinnig as moontlik na rypwording gestroop kan word en dat dit dus nie onnodig nat re�n nie. Die stroop van groen are en die droging daarvan kan ook tot valgetal probleme lei. Die Kleingraaninstituut in samewerking met sekere landboumaatskappye is besig om die valgetal probleem te ondersoek en die produsent moet homself vergewis van die nuutste verwikkelinge rakende die probleem.
   
• Skepel
  Die kwaliteitsaspek is al jare aan produsente bekend. Faktore soos kultivarkeuse, plantstremming, ens. wat 'n nadelige effek op die koring se skepel kan h� moet in die produksieproses in aanmerking geneem word.
   
• Prote�eninhoud van die graan
  Die effek van die graan se prote�eninhoud of die gradering van koring is ook reeds welbekend aan produsente. Bemestingspraktyke moet dus van so 'n aard wees dat dit nie tot 'n verlaagde prote�eninhoud sal aanleiding gee nie. Die stikstofbemesting toediening van besproeiingskoring het, as gevolg van huidige kwaliteitsaspek, ook intussen verander van die tradisionele konsep. Vergewis uself van die nuutste aanbevelings.

Plantplae en siektes

• Karnalbrand
  Die siekte het onlangs die eerste keer in Suid-Afrika sy kop uitgesteek. Dit blyk dat saadbehandelingsmiddels nie baie effektief is nie en dat alternatiewe beheermaatre�ls nog nie geregistreer is of baie duur kan wees. Produsente moet dus nie ongesertifiseerde saad by mede-produsente koop nie, want dit hou 'n groot risiko in vir die verspreiding van die siekte.
   
• Streeproes
  Di� siekte kom sporadies voor en die chemiese beheer daarvan is baie duur. By veral laer potensiaal toestande waar chemiese beheer nie bekostig kan word nie moet daar voorrang gegee word aan 'n kultivar wat weerstand teen die siekte het.
   
• Vrotpootjie
  'n Gesonde wisselboustelsel bly steeds 'n voorvereiste om die siekte te voorkom. Neem dit in ag tydens 'n produksiebeplanning.
   
• Vogstremming
  Koring word in die grootste gedeelte in die Ho�veld op opgegaarde vog verbou. Die voorkoms van vroe� lentere�ns word dus net as 'n bonus beskou. Ontydige vogstremming kan tot vele probleme lei. Dit is net nie die moeite werd om 'n kans te vat om op 'n land koring die komende seisoen te verbou wat nie voldoende vog in opgegaar is nie. Hierdie aspek val nie binne die bestek van die artikel nie en word hier nie verder op uitgebrei nie. Raadpleeg 'n landboukundige indien u onseker is.

Tabel 2:
Besproeiingskoring: Vloedbesproeiing - Vaalharts - 'n Surplus / (tekort) bo gespesifiseerde koste (R/ha) by verskillende opbrengsvlakke en produsente pryse

Tabel 3:
Dro�land koring: Spoorverkeerstelsel - Noord-Vrystaat. Surplus / (tekort) bo gespesifiseerde koste by verskillende opbrengsvlakke en produsentepryse